Aankho se aap ka parichay hota hai. Jab kisi ko aap milte hai to aap unki aankho mein dekhenge aur woh aap ke aankho mein. Sundar, prabhavshali aankh hona avashyak hai isliye jaaniyeaankho ko sundar banane ke tarikeaur ek achcha impression jamaye. Purusho ko bhi yeh baat important hai. Mahilao ko to aankho ka koi na koi shringar zaroor karna chahiye, kam se kam kaajal aur kuch na kare to. Aankho ka make up karna hai tophir sahi dhang se kariye. Mascara, eyeliner aur eye shadow ka galat istemal bahut bedhanga lagega.
1. Basics
Paushtik aahar, jis mein phal aur sabji ho, jaroori hai aankho ke swasthya ke liye. Khaas kar ke gaajar, kakdi aur tamatar ka roj sevan kare. Palak bhi achcha hai . Beetroot ek aur sabji hai jis ka juice peene se ya phir khaane se faydemand hai. Galat habits ko tyaag de. Raat ko deri tak na jaageDin mein TV ya computer monitor ko lagatar na dekhe. Beech mein aankho ko band karke aaram de unhe. Din mein do se paanch baar vyaayaam de aankho ko. Side by side ghumana, rotation karna aur upar neeche karne se eyeballs ko kasrat milega. Apne hatheli ko sfurti se ghise aur aankho ko bandh karke unhe inka aanch de. Aap pair ke talve mein sarson ke tel maalish kare aur savere ghaas par nange pair chaliye.
2. Aankho ko sajaye, sanvarehuruaat hota hai primer se. Bilkul halka aur patla sa primer lagaye aur color pasand kare jo aap ke tvacha ke anuroop ho. Primer se eye make up lambe time tak tike rahega. Ab baari hai eye shadow ki. Skin tone ko match ho aisa color pasand kare. Party main jaana hai to aur vibrant color pasand kar sakti hai. Mascara ko bahut savdhaani se palko par lagaye. Bahut jyaada na lagjaaye is ka dhyaan rakhe. Aakhir main hai eye liner ya kaajal. Patla sa lakir ho jo spread na ho baad mein. Is ka dhyaan rakhe. Simple dhang se minimum make up hi aankho ko behtreen sajavat degi. Aur aage:Aankh ka ubhar kaisa hai us par bhi nirbhar hai make up karne ke tarike:Gehri ya undi aankho ho to phir neutral color ka eye shadow ka istemal kare aur kone mein halka hone chahiye, Madhya bhag mein thodasa gehra.
Aankhe agar bahut paas paas hai to palko ke middle portion par medium color ka shading kare aur upar ke palko par line banake bahar kheenche. Aankho ke upar, bahari hisse mein dark shadow kare. Mascara light shade ka lagaye andar ke side par aur bahar ke taraf jaate jaate dark banaye. Gehree aankho ke liye palko ke upar halka rang ka shadow lagaye. Kinare tak uska shade thodasa dark hona chahiye to aankh ubhar aayenge. Ubhri aankhe ho to phir medium rang ka eye shadow pasand kare palko ke liye. Beech mein dark aur kinare par aate aate light ho jaaye is tarah lagaye. Ubhri aankhe dab jayengi. Agar aankh ek doosre se doori par hai to phir aankho ke beech naak walehisse par thodasa dark toned powder lagaye aur eye brow ke bahar wale kinare par highlighter ka istemal kare. Gol aankhe jinko ho unhe Naak se brow tak shadow lagaye aur aankho keneeche bhi light color shadow lagaye. Eyebrow ke paas ke hisse ko highlighter se touch kijiye. Aankh agar kam chamak wali ho to phir medium toned shadow lagaye upar aur bahari taraf. Aankho ke upar ka crease line ko pencil ya brush se dark kare. Medium dark shade se rekha banaye aur palko ko upari taraf mod de. Is ke baad thodasa mascara ka upyog kare. Badami aakar wale aankh ho to brow bone kea as paas natural shade eye shadow lagaye. Aankho ke neechle kinaro se ek choti se rekha khinchiye. Choti aankho ke liye bahari kinare par halka color powder shadow lagayeaur crease tak aate aate dark shade lagaye. Naak ke taraf ka bhaag aise hi rehne de.
No comments:
Post a Comment